martes, 15 de junio de 2010

Boletín Exfimiño nº 25

Boletín Informativo da Sociedade Filatélica e Numismática Guardesa

Número 25                                                              maio-agosto  2008
 Coordinador: Luciano Lomba Vicente


Seguindo a idea de homenaxear aos fundadores da Sociedade Pro-Monte, iniciada no ano 2006 co primeiro mataselos, este ano 2008, na Exfimiño 08 que terá lugar en outubro, será dedicado ó Dr. D. Pacífico Rodríguez Rodríguez, que foi secretario de dita Sociedade dende 1912 ata 1933.

Estas son as exposicións nas que a nosa Sociedade estará representada coas coleccións dos nosos socios:

Exfimiño: do 18 ao 21 de outubro 2008 en A Guarda.
Do 14 ao 19 de outubro 2008 en Viana do Castelo (Portugal).
Exfigalicia: do 8 ao 16 de novembro de 2008 en Cangas do Morrazo.

-------

Pacífico Rodríguez Rodríguez (1853-1934) foi un dos fundadores e primeiro secretario da Sociedad Pro-Monte Santa Tecla, cargo que ocupou ininterrompidamente desde 1912 ata 1933. Durante todos eses anos non faltou a unha soa das reunións da Xunta Directiva, salvando todas as crises internas da asociación. Esa circunstancia, unida ao seu papel esencial na administración da asociación, a formación do museo arqueolóxico e a repoboación do monte, converten a Pacífico Rodríguez na espiña dorsal da Sociedad Pro-Monte nos seus primeiros vinte anos de existencia. Aínda cando non existe moita información sobre a súa vida, sabemos que de novo entrou no seminario de onde saíu para estudiar a carreira de medicina que lle sufragou dende Cuba o seu irmán maior Laureano. Segundo as testemuñas da época, exerceu a súa profesión coma un sacerdocio, sen facer distinción entre clases sociais, o que lle valeu o popular apelativo de «médico dos pobres». Por outro lado estivo sempre moi activo na vida social e cultural da Guarda. As
í, por exemplo, participou no nacente asociacionismo guardés cando en 1893 foi presidente do Recreo Artístico Guardés. Pero o seu gran aporte á vida pública guardesa realizarao, como diciamos ao principio, a través da Sociedad Pro-Monte Santa Tecla.

Durante os anos que exerceu como secretario de Pro-Monte, foi o responsable da tramitación das subvenciones, xunto co presidente Manuel Lomba. Ambos, sen dúbida, as dúas columnas nas que descansou a xestión desta benemérita Sociedade na súa primeira época.

Pacífico Rodríguez xogou tamén un papel moi importante na repoboación do monte Santa Trega, realizada entre 1912 e 1919. Así, foi o principal impulsor das tres  festas da árbore que se celebraron nos anos 1915, 1916 e 1917 para involucrar aos nenos na repoboación do monte, fomentando así unha futura conciencia cívica baseada no amor e o respecto ás árbores. Nos escritos seus de aqueles anos dedicou longas palabras a resaltar a necesidade de coidar a natureza, tan pouco valorada polas xentes do país. Ademais, xunto co enxeñeiro Rafael Areses, elixiu moitas das especies arbóreas plantadas naquel momento.

Finalmente destacaremos que Pacífico Rodríguez foi o responsable da creación, no mes de xuño de 1917, do Museo de Pro-Monte, a onde foron a parar os achádegos arqueolóxicos do Trega. E non só foi o seu creador senón que, nos anos seguintes, converteuse na «vida e alma» do mesmo pois, con enorme paciencia, reconstruíu varias ánforas e vasillas, e ordenou gran cantidade de pequenos obxectos, «cada un no seu cartonciño».
-------------






Como en anos anteriores, o Grupo Filatélico e Numismático “Val do Rosal” organizou unha exposición filatélica coincidindo  coa XVI Feira do Viño do Rosal. Nesta ocasión a tarxeta amosa un detalle dunha das columnas do altar maior da Igrexa Parroquial de Santa Mariña que recolle un anxiño e acios de uvas.

    Inspirado neste detalle editouse o mataselos especial conmemorativo desta XV Exposición Filatélica.



             Sobre oficial e carimbo conmemorativo da XV Exposición Filatélica.


    Expositores de diferentes lugares como Portugal, Tui, Ourense, O Rosal e A Guarda  completaron esta mostra filatélica e numismática  coas súas interesantes coleccións, ofrecendo gran variedade de temas.

Á inauguración deste evento asistiron o Presidente da Deputación de Pontevedra, D. Rafael Louzán, o delegado do Medio Rural, D. Gonzalo Constenla, os alcaldes dos concellos do  Baixo Miño así como outras autoridades.


    A mostra permaneceu aberta ata o 20 de xullo e houbo unha gran afluencia de público que se interesou polas diferentes exposicións que se atopaban no salón,  xa que ademais da mostra filatélica estiveron expostas as obras de diversos escultores e pintores.

Durante a Asemblea Xeral de FESOFI, celebrada o día 2 de marzo, o  Presidente da Federación Canaria de Sociedades Filatélicas e Presidente do Grupo Filatélico e Numismático de Tenerife, Agustín Alberto de León, presentou aos asistentes a publicación que recentemente editou o seu Grupo co título HISTORIA DEL CORREO EN CANARIAS - I - ÉPOCA PREFILATÉLICA. da que é autor D. Juan Carlos Pérez Castells.



           O presente libro ten unha concepción orixinal, segundo nos conta Rafael Ángel Raya Sánchez, Tesoureiro do Grupo de Tenerife, gran estudioso e especialista en Historia Postal. É un libro de Prefilatelia de Canarias ata 1849, como moi ben indica o seu titulo, no  que paso a paso Juan Carlos Pérez vai descubrindo e describindo a historia postal de Canarias desde as súas orixes ata a chegada dos selos de correos ao Arquipélago Canario, pasando e apoiándose na  historia propiamente dita das Illas Canarias, utilizando arquivos propios e externos, bibliografía, documentos, protocolos, mapas, gravados, etc., ata chegar ás  propias cartas coas súas marcas, porteos, indicacións, encamiñamentos, coas  cales chegou a


realizar o  presente traballo, actualizando conceptos, descubrindo novas marcas, porteos, tarifas, etc. e aclarándonos e reforzando conceptos ata agora descoñecidos e indescifrables.

           É o  primeiro tomo da futura “Enciclopedia da Historia Postal de Canarias” da cal xa se encontra en preparación o segundo tomo dedicado a  época isabelina. Ten unha extensión de 303 paxinas, cunhas dimensións de 35 x 21,50 centímetros, impresión totalmente a cor e encadernación de luxo con todo tipo de detalles, como unha edición destas características se merece.
          
    Esta publicación  será  distribuída polo Grupo Filatélico e Numismático de Tenerife, co  apoio económico de FESOFI, a todas as Sociedades federadas.
         
     A Federación Española de Sociedades Filatélicas felicita, como así se recolle na  Acta da Asemblea celebrada en Madrid o día 2 de marzo, ao Grupo de Tenerife pola iniciativa e en especial ao autor desta extraordinaria obra, D. Juan Carlos Pérez Castells, polo seu excelente traballo que non dubidamos será un referente para todo aquel que desexe coñecer ou afondar na  Historia Postal Canaria
   
    A nosa sociedade recibiu o mencionado tomo que está a disposición de calquera socio que desexe consultalo.


HISTORIA DA FEDERACIÓN GALEGA DE SOCIEDADES FILATÉLICAS

   Coa colaboración da  Deputación Provincial de Ourense,  acabase de publicar a segunda parte da Historia da Federación Galega de Sociedades Filatélicas (FEGASOFI).
   Na presente ocasión describinos, nas súas  más de 350 páxinas e con todo luxo de detalles, as últimas modificacións dos   Estatutos e o Regulamento de Réxime Interior e da Federación, así como o Convenio de Colaboración con UFINOR de Portugal, para finalizar cunha detallada descrición das exposicións de carácter territorial realizadas nestes últimos corenta anos e un amplo historial das  súas Sociedades federadas.
Felicitamos desde este Boletín a Valentín Suárez, Presidente de FEGASOFI, e  ao resto de compoñentes da súa Xunta Directiva, pola iniciativa do   traballo, e a todos os que  colaboraron na  elaboración do mesmo, e en especial a José M. Barreiro coordinador de esta edición.




BIOGRAFÍAS:
PINTORES DEL RENACIMIENTO
Colaboración de Anastasio M. Fuentes Gómez








































Consta esta emisión de Faros de seis selos dedicados ao faro de Torredembarra en Tarragona; ao de Irta en Castellón; ao de Pechiguera en Lanzarote; ao de Silleiro en Pontevedra; ao de Barbaria en Formentera; e ao de Punta Orchilla en El Hierro.


Os selos reproducen os edificios de cada un dos faros desta emisión.



A torre do faro de Torredembarra é a máis alta dos faros de Cataluña e está situado en Punta de la Galera. O autor do proxecto foi o arquitecto José Llinás Carmona e inaugurouse o día 31 de decembro de 1999. É unha torre octogonal de cor branca que conta cunha altura de 33,24 m ata o comezo da estrutura metálica que a coroa. Alí dispón dun miradoiro e da lanterna, ata os que se chega a través dos seus 217 chanzos. O alcance nominal da súa luz é superior a 17 millas.
O faro de Irta foi proxectado por Rita Lorite Becerra e está situado en Cala Mundana, dentro do termo de Alcalá de Chivert. O fuste da torre é cadrado e alcanza uns 25 m de altura. As súas obras rematáronse en decembro de 1990 e o seu alcance é de 12 millas.
O faro de Punta Pechiguera localízase no termo municipal de Yaiza e sinaliza o estreito de La Bocayna, entre Lanzarote e Fuerteventura. O edificio é de planta rectangular e foi construído xunto ao vello faro. O corpo da súa torre é cilíndrico e está realizado en cantería basáltica.
O faro de Cabo Silleiro foi inaugurado en 1866 e encóntrase dentro do termo municipal de Oia. O seu novo edificio de planta rectangular é de 1924. A súa altura é de máis de 85 m sobre o nivel do mar e o seu alcance de 33 millas.
O faro de Cap Barbaria é o máis meridional de Baleares. Está en funcionamento desde 1972 e é unha torre cilíndrica branca de 19 m de altura e ten un alcance de 18 millas. Por último, o faro de Punta de la Orchilla é de torre octogonal de cachotería e está a 132 m sobre o nivel do mar e a súa altura soporte é de 25 m. Entrou en servizo en 1933 e ten un alcance de 24 millas.



No pasado mes de xuño celebrouse en Budapest a Exposición Filatélica  Mundial, EFIRO 2008, na cal participou coa súa colección  José Ángel Gándara Rodríguez, acadando  85 puntos (medalla de vermeil grande), desde estas paxinas queremos felicitalo, e esperamos que siga por este camiño levando o nome da Guarda por todo o mundo

lunes, 14 de junio de 2010

Boletín Exfimiño nº 24

Boletín Informativo da Sociedade Filatélica e Numismática Guardesa


Número 24                                                                Xaneiro-Abril 2008



No ano que acaba de rematar, celebrouse nos salóns do “Recreo Artístico Guardés” de A Guarda, durante os días 12 ao 20 de outubro, a Exposición competitiva da Federación Galega EXFIGALICIA 2007 que se realiza cada dous anos nunha localidade de Galicia.

    A Exposición, a cal asistiu numeroso público, celebrouse grazas ao patrocinio da Consellería de Cultura e Deporte da Xunta de Galicia, Deputación de Pontevedra e Concello de A Guarda.

    É organizada pola Federación Galega de Sociedades Filatélicas e a Sociedade Filatélica Guardesa e colaboran a Unión de Colectividades do Norte de Portugal (UFINOR) e o Recreo Artístico Guardés.

    Na Mostra exposta ao público e con entrada libre, participaron 47 coleccións de Galicia e Portugal, estando convidada fóra de competición a recoñeci-da colección galega “Colón, rumbo a las Indias” de D. José Ángel Gándara Rodríguez que posúe o título da mellor colección española do ano 2006.

O Xurado composto por 6 membros, catro de Galicia e dous de Portugal outorgaron o Gran Premio da Clase de Honor, Trofeo da Consellería de Cultura á colección Galicia S. XVII-XIX:Correspondencia con Europa, de Andrés García Pascual, o Gran Premio de Competición e Trofeo do Concello de A Guarda á colección Privativos de Portugal, de Elder Pinto Correia.
  
A Mostra foi inaugurada o venres 12 ás 6 da tarde polo Alcalde de A Guarda, onde estivo presente toda a corporación municipal, Presidente da Federación Galega, Ufinor, Sociedade Filatélica e Numismática Guardesa, Recreo Artístico Guardés e o Historiador guardés Joaquin Miguel Villa que rematada a inauguración, deu unha conferencia sobre a biografía dos dous ilustres guardeses, fundadores da Sociedad Pro-Monte Santa Tecla, aos cales se lles facía una pequena homenaxe.

   Á petición da Sociedade organizadora e da Federación galega fíxoselle petición a Correos de dúas marcas postais cos personaxes homenaxeados, para poñer en circulación na oficina temporal montada nos salóns da exposición para o día da inauguración, o mesmo que un selo personalizado cunha Casa Castrexa do Monte Santa Trega.

   Para o último día, sábado 20, Correos concede outra marca postal, esta dedicada ao filatelista vigués D. Manuel Lago, recentemente falecido e ao cal ese mesmo día se lle fixo unha pequena homenaxe de recoñecemento da súa labor pola filatelia de Galicia.

Durante os días que permaneceu aberta a Mostra arropouse á exposición cos seguintes eventos:

  Venres día 12, Conferencia do historiador guardés D. Joaquín Miguel Villa sobre os fundadores da Sociedad Pro-Monte Santa Tecla.

   Domingo día 14, Conferencia sobre filatelia temática a cargo de José Ángel Gándara Rodríguez, vocal temático de FEGASOFI e da Comisión temática de FESOFI. Esta conferencia estaba prevista para unha hora de duración e dada a concorrencia de público e as súas inquietudes alongouse dúas horas.

   Sábado día 20, Conferencia a cargo de Andrés García Pascual, investigador e estudioso da historia postal de Galicia, sobre o coleccionismo da Historia Postal de Galicia e ao finalizar fíxose homenaxe ao filatelista vigués D.Manuel Lago, fundado da Fede-ración Galega e da Federación Española.

As 10 da noite  en coñecido restaurante de A Guarda celebrouse a cea palmarés e estiveron presentes o Alcalde e o Concelleiro de Cultura. Antes de que o Xurado dera o resul-tado das participacións  fíxose entrega por parte da Federación Galega de Sociedades Filatélicas da Medalla de Ouro, Insignia e Diploma ao Mérito filatélico de FEGASOFI a D. Serafín Álvarez Sobrino

        Entrega da medalla da Federación Galega (FEGASOFI) a D. Serafín Álvarez Sobrino.

 e por parte da Sociedade Filatélica Guardesa fíxose entrega da Insignia de Ouro a D. José Ángel Gándara Rodríguez.

     Entrega da medalla da Sociedade Filatélica e Numismática Guardesa a D.José Angel Gándara Rodríguez.



Tendo en conta que a maioría das coleccións presentadas polos membros  desta sociedade aínda están en formación, os resultados acadados poden considerarse un éxito, xa que as puntuacións quedaron como segue:


No grupo 3: Temática

   Del Monasterio rural a la Catedral urbana de Luciano Lomba Vicente con 71 puntos, medalla de Vermeil. 

   Ese desconocido principio de Jorge Martínez Baz con 65 puntos, medalla de Prata Grande.

   La unión del reino vegetal y el hombre de Marta Verde Rodríguez  con 63 puntos, medalla de Prata Grande.

   España, ATMS de Manuel Martínez Martínez con 60 puntos, medalla de Prata

   Arte y Comunicación de la Música de Alfonso Dorado Senra con 57 puntos, medalla de Bronce Prateado.

   La vela a través de la Historia de Cristina Domínguez Rotea con 55 puntos, medalla de Bronce Prateado.

   Faros y otras ayudas a la navegación,  de Miguel Martínez Pérez con 55 puntos, medalla de Bronce Prateado.   
  
   El perro siempre útil, de Almudena Tabeada Lago con 55 puntos, medalla de Bronce Prateado.

   Pinturas infantiles,  de Marta Álvarez Estévez con 55 puntos, medalla de Bronce Prateado.

   Revista EXFIMIÑO medalla de Prata.

Ao longo do ano 2007 membros desta asociación tamén participaron noutras competicións de caracter internacional, nas que acadaron importantes premios, como é  ocaso das seguintes competicións:

Exposición Luso-Española ALAVARIUM 2007  celebrada do 3 ao 7 de Outubro no parque de feiras e exposicións de Aveiro (Portugal).

   Na cal a colección de José Ángel Gándara Rodríguez, COLÓN RUMBO A LAS INDIAS,  logrou o Gran Premio de Temática con 86 puntos

XV exposición Filatélica Luso-Española IBERX  2007, celebrada en BOTICAS (Portugal)  do 24 de novembro ao 2 de decembro.

   Na cal a colección de José Angel Gándara Rodríguez, Colon Rumbo a las Indias acadou con 86 puntos a medalla de Ouro, recibindo o premio Escultor Carlos Oliveira.

   E a colección  Del Monasterio Rural a la Catedral urbana de Luciano Lomba Vicente, acadou con 71 puntos a medalla de Prata Grande.

   Tamén a colección de Jorge Martínez Baz, Ese desconocido Principio, acadou con 65 puntos a medalla de Prata.

    No grupo de Literatura no que se presentou o noso boletín EXFIMIÑO, acadou a medalla de Prata.


            Grupo de filatelistas da nosa sociedade que se desprazou ata Boticas.

   Dentro do ámbito local a Sociedade Filatélica e Numismática Guardesa,  con motivo do 50 Aniversario da chegada dos Padres Somascos a A Guarda, foi convidada polo Colexio a colaborar con algunhas coleccións dos membros da nosa asociación, na exposición Filatélica que se celebrou dentro dos actos conmemorativos, e na que tivo lugar a presentación dun selo personalizado de dito evento.




                           Selo personalizado do colexio PP Somascos.           
No vindeiro día un de marzo, sábado, dará comezo na Sociedad los Amigos de Camposancos, os actos de seu centenario pro  cal ten concedido un selo  “Tu sello”.No acto da inauguración estará o secretario da Sociedade Filatélica  y Numismática Guardesa, quen será o encargado de facer a súa presentación.





         Selo personalizado conmemorativo con motivo desta celebración.


Neste ano que acaba de comezar seguimos firmando con Correos un contrato de 88 series se selos de España, que distribuímos entre os socios que teñen o seu abono as novidades anuais; este servicio fai que o asociado este unido a nosa Sociedade, co cal lograse que esta sexa unha das mais puxantes da Galicia.

Unha vez mais agradecemos a confianza depositada en nos.

Seguimos  abrindo o local da nosa Sociedade, tódolos sábados de 11 a  1, alí poderedes  consultar, catálogos, revistas e consultas sobre selos e moedas.....e como non, opinións de todo tipo, con sana alegría  e camaradería.

Para calquera día da semán quen queira facer algunha consulta, ofrecese numero de telefono: 986 611193, preguntar por Juan


Captación de novos Socios


Se gustante o selos ou as moedas, faite socio da  Sociedade Filatélica y Numismática Guardesa, dende por “dez Euros ao ano” tes dereito ao abono as novidades de España a valor facial (sen recargo), aparte 0s servicios da nosa Sociedade, somos moitos  pero queremos ser mais.


HISTORIA DO BOLETÍN EXFIMIÑO

    No ano 2000, por iniciativa  do Socio Antón Ferreira Lorenzo, que desde ese momento encargouse da súa coordinación, e co apoio da Xunta Directiva e dos socios, nace este boletín “EXFIMIÑO”, o cal é distribuído entre todas as sociedades filatélicas  de Galicia pertencentes á Federación  de Sociedades Filatélicas de Galicia FEGAS0FI, e entre todos os nosos asociados.
    Nos seus comezos e cunha tirada de 130 números, editábase trimestralmente, (catro números ao ano). 
     A partir do número oito do ano 2002 pasouse a facelo cuadrimestral,  (tres números ao ano).

O noso Boletín ten acadado importantes e significativos galardóns:
  
    Presentouse por primeira vez na exposición, Exfigalicia 2004, celebrada en Tui, na cal consegue  a medalla de  Bronce Prateado.
  
    Na Exposición filatélica Exfigalicia 2007, celebrada en A Guarda, consegue a medalla de Prata.
  
    Na XV Exposición Filatélica Luso-Española, IBEREX 2007 celebrada en Boticas (Portugal), tamén acadou a medalla de Prata.

     Polas moitas ocupacións que ten o amigo Antón Ferreira fóiselle facendo moi traballosa a coordinación deste Boletín, polo cal deixa o cargo que veu desenvolvendo estes anos, e nós queremos agradecerte o traballo ao longo destes anos.


Fuches a alma e verdadeiro fundador do Boletín ”EXFIMIÑO”.

Grazas Antón.


------------------------

Coleccions de Membros da nosa sociedade.

 Dende moi pequena, sobre os 8 anos, empecei a xuntar selos da serie  básica que envían nas cartas hasta que me regalaron o selo da inauguración dos observatorios astrofísicos de Canarias,  chamoume a atención e a partir de aí empecei a interesarme máis polos selos.

Nestes momentos estou empezando unha colección temática "Belleza natural" na que trato de desenrolar como coas plantas podemos coidarnos e embelecernos exteriormente.